الخرطوم ,

آخر التعليقات

  • ساعدوا أمريكا بالصمت

    حسين عبد الله 15.01.2017 05:56
    كلام سليم لازم نعرف مصلحتنا وين و بلاش عنتريات

    اقرأ المزيد...

     
  • المعارضة.. (حجوة ام ضبيبنة)!

    من مروي 12.01.2017 18:33
    بداية الخلافات عندما ايدت الاحزاب اليسارية ما جرى في مصر من انقلاب على الديمقراطية .. وفعلا قد يتفقون ...

    اقرأ المزيد...

صفحتنا على الفيسبوك

2977 زائر، ولايوجد أعضاء داخل الموقع

اغتراب حاج الضو ..! «الفصل الأول والأخير»

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

«خبز الوطن خير من كعك الغربة» .. فولتير ..!
(1)
سعاد: الدنيا حظوظ وحظي معاك من يومو أقشر .. البشوف حال أخوك ما يشوف حالك .. البشوف دهب مرتو وهدوم بناتو ما يشوف حالتنا معاك .. تياب البوليستر وبيت الإيجار والعناقريب المن سنة حفرو البحر .. هسه أكان عرست محمد ود نفيسة ما كان أخير لي من كلام حبيني وأحبك .. ومن أشعارك وجواباتك المريَّحة الجابت خبري ..؟!
الضو: يا مرة أحمدي الله .. حالك مالها .. مستورين نحمد الله .. بعدين أخوي الله كان فاتحها عليه وقاصد يمتحنا نعمل شنو .. ربنا خلق الناس طبقات نعترض على حكمته .. وبعدين التاني داك هو من اسمو محمد ود نفيسة .. دا زول يعرسوه؟! .. أحمدي ربك .. وما تعايني فوق .. المقارنات ما بتجيب غير وجع القلب ..!
سعاد: طبقات شنو وطرقات شنو .. دا اسمو اغتراب .. تحسين وضع .. أخوك كان موظف عدمان اغترب في البلد ديك وبقى ملياردير .. محمد ود نفيسة كان صبي نجار تقدم لي وابيتو من حسرتو طفش خلى البلد .. اغترب في البلد ديك وهسه رجع ملياردير ..!
الضو: من حسرتو ؟! .. يتحسر على شنو .. الله مرقو ساكت .. يجي يشوف حسرتي أنا.. يا ولية ما تحمدي الله .. وبعدين انتي دايراني أسوي شنو يعني .. أمشي أدرس في الجامعة وأنا ما معاي غير شهادة ثانوي .. ولا أمشي أبيع سعوط وأتاجر في العملة زي محمد ود نفيسة بتاعك ..!
سعاد: تمشي تشتغل عامل .. زيك زي غيرك .. وتدقش جاي وجاي لامن ربنا يفتحها عليك ونبني البيت الملك ونركب العربية الخاصة ومافي زول أحسن من زول ..!
(2)
نجاة: دا منو يا الفاتح الكان بيتكلم معاك في التلفون .. خير ان شاء الله ..
الفاتح: خير يا ستي .. الضو أخوي .. عنده مشكلة مع كفيله .. قال يا يدفع ليه كالعادة يا يلغي إقامته ويدق ليه خروج نهائي ..
نجاة: انت أخوك دا اغترب في البلد دي لي شقاوتنا نحن؟! .. مرة يتسجن بسبب قروش الإيجار نجري ندفعها ونفكو .. ومرة طاشي في الخلا وهارب من كفيله .. وبعد دا كلو ننزل الإجازة مرتو تمسك مجلس النسوان وتقعد تتبوبر .. التقول راجلها بيصرف مية ألف ريال ..!
الفاتح: خلاص يانجاة .. إنت عارفة إني حسمت أخوي في حكاية القروش البيطلبها كل شوية دي .. وبقيت ما بدفع ليه إلا في الشديد القوي .. بس عشان ما يتبهدل ويرجع السودان بأولاده .. وهو لا بيت .. لا شغلة يترزق منها ..!
نجاة: هي يا يمة السودان مالو .. هسه عيشة السودان ما أخير ليه من جنس شيل الحال دا ..؟!
(3)
سعاد: وبعدين يا الضو .. معقولة غربة عشرة سنين .. نرجع منها كدي  لا بيت .. لا قطعة أرض .. لا مشروع نترزق منه .. لا حتى ركشة تبقى لينا نقاطة مع الحال الصعبة دي ..؟!
الضو: للأسف مافي طريقة .. هنا كفيلك يعني سيدك .. وبعدين هو جدعنا وين يعني .. في الواق واق؟! .. ماراجعين بلدنا .. وهي في النهاية أحن علينا من الغربة .. وأشرف لينا من السجن وشيل الحال ..!
سعاد: عارفاك أنا من يومك فقري .. كان ما شربت الموية من الزير واتجدعت في العنقريب نص الحوش ما بترتاح ..!
الضو: أنا العارفك .. كان ما غطست حجري ودخلتيني السجن مابترتاحي .. لكن شغل في غير بلدي تاني ما بشتغل .. أكان عجبك ..!
سعاد: دا ما كلام ..!
الضو: يا زولة أقول ليك الكلام الجد ..!
سعاد: قول ..!
الضو: أريتك كان عرست محمد ود نفيسة ..!

أضف تعليق


كود امني
تحديث